Sempalan ka - 1

Ti bah AA

 

Swuh rep data pitana; anenggih nagari pundi hingkang ka eka adi dasa purwa. eka  sahiji; adi = leuwih ti batan ; dasa = sapuluh ; Purwa - ngawitan. Najar seueur Nagari mu sami2 hebat tapi teu aya nu mapakan ka na kaagunganana Nagari Astina. Nagari Astima. panjang punjung, pasir wukir loh jinawi.  Panjang dawa pocapane; punjung luhur kawibawane. pasir samudra; wekir gunung. Ieu Nagari Astina   para patani mukti, padagang sarenang lantaran teu loba hutang. Sepi paling towong rampog. Rea ketan rea keton, mun ingon2 digelar engkena sorena bakal balik sorangan. Eta ku Raharjana Nagari Astina.Para Mantri Bopami pada tengtrem hate; lantaran jauh ti na pasirikan. Saha nu jeneng Narpati ? Jenengan Prabu Destarastra; tapi ari pamarentahan sapopoe mah dipasihkeun ka Ingkang Putra Pembarep; Prabu Anom Suyudhana. Harita Prabu anom Suyudhana nuju mayunan pasamoan Para gegeden Astina. Sang Raja linggih di na dampal denta tinaretes ing sosoca. Dipayuneunana calik Sang Dangiang Dorna ngantos dawuh, mani tungkul wireh ajrih ku Sang Nata. Sagedengeunana calik Patih Sakuni Panasehat Para Kurawa. Teras calik diantara Raja2 nu dipihormat Raja Awangga Karna; Raja Madura Prabu Baladewa. Saterasna Dursasana, Jayadratta Satriya Sindhu kalangan. Saterasna calik disapengkereun Raja2 nya eta Aswatama, Putra Dangiang Drona; teras ditema ku Citrayudha, citraksi. Sritinon ing pasewakan...........busana maneka warna, rengreng manik narawaca.................... Enggalna Sang Prabu Anom Suyudhana ngandika:" Para pangagung sadaya, bagja kumayangan sampeyan pada sumping ka na ieu sinewaka; Kaula aya badamikeuneun jeung para Pangagung sadaya." Sakuni:"Hehehehe, sok reuwas paman mah lamun aya pasamoan ngadadak teh; cing mangga carioskeun aya naon ?" "Duuuh pamaaan, Paman Sakuni................. Di Kaputren Permaisuri Banowati keur kabingungan, lantaran kaleungiteun raina, nya ipar Kula, nya eta Burisrawa. Sawewengi eta Prameswari Banowati teras ngangis teu yasa dilirenkeun. Kumaha ayeuna tindakan urang ? Da kapan ngaleosna Burisrawa teh ngadadak pisan ; bari teu jelas ka mana2 na ? Sedengkeun eta Burisrawa teh matak Rai Banowati nangis teras lantaran kapan Burisrawa th keur gering.Teu daek dahar , teu daek nginum; teu daek sare; gawena ngan seuseurian sorangan, bari nyiuman bantal. Mun aya emban ngadadak si emban dirontok dogalentoran; atuh emban2 pada kalabur." Drona:"Ke ke ke...........  naon atus kasawatna eta Raden Burisrawa teh ?" Duryodhana:"Ari cek Prameswari mah; sanggeusna Burisrawa gagal nikah ka Sumbadra; malahan terus Sumbadra na ditikah ku Arjuna; Burisrawa jadi owah. Unggal poe sok hahariringan bari nyebut2 nami Sumbadra, kitu eta kasawat Burisrawa teh." "Eta mah gering pikir atawa siwah tea meureun." saur Baladewa komentar. "Cohagna kaedanan ku Sumbadra..........."Drona mairan. "kumaha atuh ayeuna ?" Saur Suyudhana. "Ah nya teu kedah pusing2; hayu we kerahkeun para tamtama lan prajurit kudu neangan Burisrawa; piraku sugan teu pendak? Masing salegana Astina oge ?" Nya atuh diputuskeun harita kudu ngerahkeun pasukan; ari nu mingpin dipasrahkeun ka Dursasana sareng Jayadratta. Tunda nu nuju milarian Burisrawa; ayeuna urang tingali aya jalmi jangkung badag, papakean teu pararuguh; buukna gimbal teu disisiran2 acan; manehna asup ka leuweung anu kacida sangetna, manehna kacirina mah geus putus pangharepan; sajajalan ngan nyiuman tangkal kai, bari ngarumrum :"Eeemh Sumbadra nu denok; ieu akang Burisrawa." E eee   eee Sumbadra........... anu geulis anu buranyay.... ku naon eulis ngantunkeun akang !? Tega pisan si geulis............. Tah geuning ayeuna mah hareupeun kaula, ulah ka mana2 deui; yeu ku akang dicium !..........bedul geuning Kai !" Hanca