Samemeh Bharata Yudha Ka-13

 

Di Upawilya, harita nuju aya pesta nikahna Abimanyu ka Dewi Utari, atuh harita seueur pisan sobat Pandawa nu sarumping, sapertos Krishna ti Dwaraka, Baladewa atanapi Balarama ti Mandura, Satyaki pahlawan Yadawa atanapi Wrisni ti Lesanpura, Kitu deui Drupada ti Panchala, Drestaketu ti Cedi, Jayatsena ti Magada, Raja Saibya, Raja Kasi, Sikandin, Drestadyumna, sami2 sarumping ka Upawilya. Ampir sadayana Raja2 teh sarumping bari nyandak angkatan Perangna masing2. Lantaran bari sakalian nyokong Pandawa upamina wae Pandawa bade ngayakeun peperangan sareng pihak Astina. Nu teu nyandak pasukan, mung Balarama sareng Krishna wungkul. Saparantosna upacara nikahna Abimanyu sareng Utari rengse, nya diteraskeun ku konperensi Agung Raja2 kanggo ngabahas perkara Pandawa sareg Kurawa. Sadaya Raja2 teu aya nu mulih ka nagarana lantaran palay apal kumaha kaputusan di na eta konperensi Agung teh. Raja2 tos kempel sadayana, ku Yudhistira biasa dipasihan kahormatan muka ieu sidang , ya Krishna ti Dwaraka. Teu aya nu protes, sadaya para Raja sami satuju ka na kaputusan Yudhistira. Enggalna bae Krishna atanapi Janardana majeng ka payun ka podium nu tos disayagikeun, enggalna ngawitan biantara. "Para Raja sadaya, urang tos sami maphum, yen Pandawa ayeuna teh kakara lubar ti na hukumanana, salami 13 taun, kalayan salamet, teu pisan ngalakukeun kasalahan, tah Pandawa teh ayeuna bebas nangtukeun sikep, merdeka. Ayeuna urang sadaya ngumpul di dieu, taya lian, nya eta masihan saran2, kumaha sakuduna Pandawa ngayakeun tindakan pikahareupeun. Urang sarerea maphum, kumaha Pandawa ditipu di na meja JUDI, nepi ka Nagara karampas ku Sakuni/Duryodhana. Nu saterusna kudu ngajalanan hukum buang ka leuweung salila 12 taun; ditambah sataun kudu nyumput di nu CAANG. Pandawa geus rengse ngalaksaakeun kabehanana kalawan sabar, dituturkeun ku Drupadi nu ngiring leuleuweungan. Tah eta sadaya, kedah jadi bahan timbangan urang, pasihan saran nu cocog jeung tugas Kawajiban "DHARMA". Keur kapentingan kamakmuran dua pihak boh Pandawa boh Kurawa. Darmaputra moal hayang nungtut anu lain hakna. Tah di na ngajukeun saran2 engke, kudu ditimbang masalah kalicikan Sakuni jeung Kurawa, kitu deui kasabaran Pandawa di na ngalaksanakeun kawajiban dihukum. Eta kudu jadi pertimbangan urang sarerea. Urang sarerea can apal, naon nu bakal diputuskeun ku Duryodhana, tapi ari ceuk pikir Kaula mah, urang teh kudu ngirim utusan nu bisa ngarengsekeun sagala permasalahan bari teu kudu Perang. Jadi kudu diutus jelema u bisa ngigelan kahayang dua pihakanana. Kitu cek pamikir Kula. Hadirin kaleprok, tanda satuju ka na cariosan Krishna. Sapantos Krishna, Baladewa majeg kapayun, biantara. HANCA