[kisunda] Gatotkacha Ka-6

 

Para Kurawa teh memang ngahaja, rek nganyenyeri Pandawa; maranehanana ngahaja curak2 ngaliwat leuweung tempatna Pandawa nyarepi; barang ngaliwatan ka rombongan Pandawa marehna susurakan mani ayeuh; terus saleuseurian bari nunjuk2 ka Pandawa. Sang Gatotkacha amarah sakalangkung; enggal cangcut taliwanda bade nanganan eta para Kurawa; tapi diwagel ku Yudhistira; atuh Gatotkacha teh calik deui bari mentegeg. Kurawa saterasna ngadamel kemah nu teu pati tebih ti tempatna Pandawa; ti harita unggal wengi mani ngungkung kendang sareng goong; tandaning teras2an pesta sareng curak2 nganyenyeri ka Pandawa. Waktos harita Kresna, Baladewa, sareng Satyaki tos marulih ka nagarina masing2. Di leuweung nu caket sareng Kurawa pesta saleresna aya bangsa Genderewo sareng pasukanana. Atuh genderewo nu dipimpin ku Citrasena kacida ambekna; nepi ka dina hiji peuting mah, maranehana ngajorag ka kemah kurawa, padahal ka Pandawa mah maranehanana teh can sakali oge ganggu. Atuh ger we tarung ragot; ngan wae Pasukan Kurawa keur ngeunah2 pesta; teu nyangka bakal diserang; atuh amburadul pasukanana di burak barik ku Pasukan Genderuwo; malah Sakuni, Suyudhana, sareng Dursasana tos ditalikung. Ngan Karna nu masih keneh soroh amuk. Ku sabab pasukan Genderewo loba nu ancur ku Karna; Citrasena terus ngancam, yen mun Karna teu nyerah Suyudhana harita keneh bakal disiksa. Atuh kapaksa Karna ge serah bongkokan daek diborogod ku para genderuwo. Caturkeun pasukan Kurawa nu katawuran, aya hiji dua ponggawa nu kabur ka tempat Pandawa; teras careurik nyuhunkeun ditulungan; Yudhistira enggal miwarang Bhima, Arjuna sareng Gatotkacha nulungan Kurawa. "Yooooy, Darmaji kakangku; opo mene kakangku ( make jajawaan); bela2 si kurawa sing duratmaka ?" "Eh Yayi Arya, keun we kabehanana eta teh dulur sagetih keneh; urang kudu sabar; di na waktuna pasti aya wawales nu hade keur urang." "Ah! Kula mah bener2 teu ngarti kana pikiran andika teh kakang !? Tapi masing kalah kumaha Kaula memang can pernah nolak kana parentah sampeyan." "Eh Jenet !  Gatot ........... hayu urang mangkat..............." Enggalna ieu tilu jagoan teh angkat mani jaligrah; kantenan atuh Gatotkacha mah mani bingah pisan, lantaran nya ayeuna anjeunna bakal nembongkeun bebela na ka sadaya sepuh2na. Hanca deui wae....................hehehehehe

 

.

__,_._,___