[kisunda] Samemeh Bharata Yudha Ka-23

 

 

Leres pisan naon nu dibayangkeun ku Kresna, leres pisan. Duryodhana teu beunang dibangbalerkeun. Keukeuh teu masihan; cenah tong boro 5 Desa; najan sajempol suku ge hamo dibikeun. Jadi Ti na Indraprasta; Pandawa ngirangan nungtutna janten 5 Desa; ari nu dimaksad 5 Desa, nya eta : 1. Amarta  2. Ksatriyan Jodipati  3. Madukara 4/5. Sawojajar. Tah ieu nu dipenta ku Pandawa nu teras ngelehan maneh; tapi nyata bedang pisan Duryodhana tetep teu masihkeun. Atuh nya gagal we MISI Kresna teh; tapi teu panasaran deui lantaran tos diusahakeun DAME tapi Suyudhana tetep hoyong perang. Atuh der didua pihak pada ngangkat Senapati masing2. Samemeh eta; Kresna nyarios ka Bima; yen Putrana Antareja bakal ngabahayakeun sarerea lantaran kagungan letah nu sakti pasihan ti Ingkang Eyang Antaboga. Lamun Antasena nuju amarah; tos teu ngingetkeun balad tawa musuh langsung ngaletakan tapak; bakal seueur nu tiwas; bari teu pupuguh rubuh. Bisa wae Arjuna binasa; nu matak ieu Antasena kudu diamankeun. Kumaha cenah ngamankeunanana ? Tah na hal eta Sri Kresna kagungan cara, nya atuh Bima teh satuju we. Enggalna Kresna manggil Antareja; barang Antareja nyembah ka Kresna; teras we Ku Kresna dituyun, teras jalan2 sakedapan. Antareja bingung galih bade naon ieu Ua Bhatara nuyun2 Kaula? Teu lami Sri Kresna bari gumujeng naros ka Antasena:"Eh, Bima Putra, kumaha sampeyan di na nyanghareupan Bharata Yudha ieu geus siap ?!" "Siap Ua Bhatara, naon wae bakal dipiwarang ku Ua Bhatara bakal ditumut ku Putra tanpa aya pertanyaan." "Hahahaha, hade eta patekadan teh. Tapi naha Bima Putra tos gaduh cepengan kanggo jaya na Perang? Model Gatotkacha kapan sakitu saktina? Ari sampeyan?" "Hemmmm.............   Ua Bhatara teu boga cecekelan oge, Putra tetep bade maju, tapi supaya Ua Bhatara reugreug manah, yeuh masing kieu2 oge Putra gaduh cecekelan pasihan ti Kangjeng eyang Antaboga; nya eta letah nu bisa maehan jelema asal diletak tapakna tinangtu tutung; lantaran peurahna keras pisan!" "OoooH na enya kitu ! Asa ham ham Ua mah." "Ua Bhatara, teu kedah ham ham; sok ayeuna tuduhkeun hiji tapak ka Putra; tinangtu bakal diletak; jeung tangtu eta jelema ajurna!" "Ah! Ma enya ah ! Cik atuh tuh; kabeneran aya tapak tuh geuning sok letak ku sampeyan Antareja." Teu kedah ngaduakalian diparentah; Antasena atanapi Antareja enggalna tos ngaletak eta tapak ! Padahal eta teh tapak anjeunna nyalira ! Atuh barag diletak; barang Antareja ngagolepak teras tutung sadaya warugana; teu kungsi ngajerit jerit acan. Teras wae atuh Kresna mulih ngalaporkeun hasilna. Sadaya Pandawa sami ngungun; masing leres eta kanggo kasaean sadaya; tapi keukeuh we sadayana sedih. Saparantos kitu; Kresna lajeng nimbalan Gatotkacha supaya ngadep ka anjeunna. :Nun Inggih Ua Bhatara, aya pikersaeun naon, mangga Putra bakal ngestokeun." "Eladalah, aya ku kayungyun ku BimaPutra nu hiji ieu. Hehehe sarengkak saparipolah estu pikaresepeun. Duuh Kasep Gatotkacha, anjeun apal naon nu bakal disanghareupan ku urang sarerea ?" "Heeemmm, apal pisan Ua, Putra bakal toh pati jiwa raga, kanggo kapentingan Rama Kaula, Para Pandawa; tong boro dijurung perang; dalah ayeuna Ua bade nyuhunkeun nyawa Putra; kanggo kamaslahatan sadayana, moal dikoretkeun. Putra ihlas pisan." "Emh, pikayungyuneun pisan. Eh Gatot Kacha, sampeyan apal ka na kakuatan jeung kalemahan sampeyan !?" "Nun inggih Ua Bhatara, mugi Ua kersa masihan bongbolongan." "Hehehehe, eladalah, kasep Gatot Kacha. Hidep mah saenyana tos masagi pisan. Sampeyan bener2 andelan jurit Para Pandawa. Teu loba nu bisa nendengan hidep. Malah mungkin sadaya Pahlawan sahandapeun sampeyan. Sampeyan Sakti Mandraguna; totosan bojana kulit. NGan aya nu bisa ngelehkeun sampeyan, nya eta Senjata2 Sakti. Saha nu kagungan Senjata Sakti ? Teu kudu sieun teu kudu gimir; lantaran eta teh kagungan Guru sakaligus Paman Hidep nya eta Paman Arjuna. Anjeunna ngagem Pasupati. Tapi moal mungkin sampeyan perang sareng Arjuna. Jadi tenang we.  Saterusna Nanggala bisa ngancurkeun hidep; tapi nu kagunganna Balarama, tunggal Ua hidep keneh; jadi moal mungkin binasa ku Nanggala; da pasti moal Perangna. Saterusna Ua sorangan, lantaran boga Senjata Cakra. Tapi sadayana eta; teu kudu gimir; lantaran moal mungkin urang perang lain? Tah nu kudu dipigimir teh nya eta hiji Senjata Pang Hebatna nya eta KONTA. Untung dipakena ngan UKUR sakali; tapi kacida matihna; tangtu sasaha ge binasa ki ieu Konta ! Ari nu nyepeng senjata KONTA taya lian mung KARNA; Raja Angga. Tah eta nu paling bahaya keur sasaha teh." HANCA

 

__._,_.___