[kisunda] Bharata Yudha Ka-25

 

Tunda Gatotkacha nu nuju gunem catur; ayeuna urang nyarioskeun kasiapan Perang ti Dua pihak nu bade Ngadu jurit; nya eta pihak Pandawa sareng Kurawa, nyata dua puhakanana seueur nu ngadukung/ngarojong. Jadi memang ampir satanah Hindi milu kana ieu perang. Pasukan Pandawa bisa ngumpulkan 7 Divisi ! Ieu kakuatan teh tangtu we loba pisan; pikeun ngagempur 3 Nagara wae mah; leuwih ti cukup. Komo deui Pasukan Kurawa Astina; nu implut jeung dihijikeun jadi 11 Divisi. Sa Divisi Dina Zaman Peperangan waktu eta di Nagari Hindi; kakuatanana kira2 : 1. 21,870 Kareta Perang 2. 65,500 Kuda Kavaleri 3. 21,870 Pasukan Gajah 4. 109,350 Pasukan Infantri : Aya pasukan tumbak; pasukan pedang jste.  Jadi Pasukan nu bisa dikumpulkeun ku dua pihakanana jumlahna yuta yuta. Duryodhana yakin pisan pihak Kurawa pasti meunangna; lantaran jumlah prajurit jeung pasukan leuwih loba ti Pasukan Pandawa. Kitu deui Para Pahlawan Perangna Raja2 nu sarakti. Tah nu ayeuna rada bingung; nya eta nangtukeun saha nu bakal Mipin kabeh Senapati/Panglima. Jadi kudu aya Pupucuk Senapati/ Panglima Tertinggi. Nya Suyudhana ngayakeun sidang Perang nu diluuhan ku sadaya Raja2 nu biluk ka Kurawa. Suyudhana nyarios ka Sakuni, yen kapalay anjeunna mah nu bakal jadi Maha Senapati, mimpin sadaya Senapati iwal ti Raja Angga Basukarna. Suyudhana percanten pisan ka na kasatiaan jeung kagagahan Basukarna. Tapi Sakuni nyarios yen lamun urang mawa karep sorangan, Raja2 nu ayeuna biluk ka Kurawa bakal malundur atawa Perangna teu enya enya. Supaya ieu perang dimeunangkeun ku Kurawa; euweuh deui cara iwal ti kudu nurut ka na putusan sidang perang ieu. Nya atuh Suyudhana ngagugu ka na cariosan Sakuni. Barang der gempungan; para Raja seuseueurna ngarojong Bhisma sabage Maha Senapati, lantaran cenah geus kabuktian kagagahanana; tos seueur pangalaman, sareng deui Bhisma teh sesepuh Pandawa/Kurawa. Jadi ku pertimbangan2 ieu; sadaya Raja sekutu Kurawa samiuk bade milih Bhisma jadi Maha Senapati. Bhisma nolak, lantaran masih seueur keneh surnah nu langkung pantes, langkung gagah ti batab anjeunna. Tapi Raja2 ngadesek suapaya Bhisma kersa jadi Maha Senapati; moal aya nu baha; moal aya hayang parebut cenah sareng Bhisma mah. Lamun ditolak , matak jadi aing2an. Enggal Suyudhana nyuhunkeun ka eyang Bhisma supados kersa jadi Senapati. Saur Bhisma:"Suyudhana, kasep, Putu eyang. Seug Kaula bakal nampa ieu pangangkatan Maha Senapati. Eyang bakal ngabela Astina, sakuat tanaga. Ngan eyang aya syarat ?" "Naon saratna eyan? Sok mangga we nyarios, naon wae tangtos ku Kula bakal ditedunan, mangga bade dunya brana; kareta kancana ? Naon wae moal teu ayeuna keneh ditedunan." :"Hehehehe, lain ! lain eta. Kaula teu butuh dunya brana.: Suyudhana :"Naon atuh eyang ? Sok we sebatkeun." Bhisma :"Eyang daek jadi senapati; sing saha wae nu wani nyerang ka Astina tangtu binasana ku Bhisma Dewabrata; saha wae moal pilih bulu. NGan ku lantaran Pandawa oge incu eyang, eyang teu tega nelasan para Pandawa. Jadi sarat kahiji nya eta eyang moal nyilakakeun Pandawa." Hanca

 

__._,_.___