[kisunda] Samemeh Bharata Yudha Ka-26

Suyudhana satengah nyorowok ka Bhisma, barang ngadangu yen sarat ka hiji, nya eta moal nelasan Pandawa:"Eyang! Keur naon atuh perang, ari moal dicilakakeun mah?" "Tah eta sarat kahiji ti eyang, nu kadua : salila eyang jadi Maha Senapati; Kula moal rek ngidinan Karna pipilueun di na Perang Bharata Yudha. Pek we lamun sampean teu satuju; eyang ayeuna ge bakal mundur ti na jadi Maha Senapati." Jaya Bang winga winga.................. Suyudhana kacida amarahna; kitu deui Karna, tapi Karna mah masing asa dihina ge, ngan ukur tungkul we; tapi Suyudhana harita keneh ngagejlig kaluar ti na sidang; diburu ku Sakuni. :" Eh Suyudhana ! Tong sok kawas budak leutik, naon sababna make kaluar ti eta sidang !?" " Paman katingal kapan ku Paman; Bhisma teu weleh pro ka Pandawa. Nu matak Kula teu satuju; ayeuna keneh ku Kaula eyang BHisma bakal diganti ku Raja Angga." "Hehehehe, dasar maneh mah bodo Suyudhana ! Ieu peperangan teh geus pasti urang nu bakal meunang; masing Karna teu ngilu jurit oge. Tah naha sampeyan rek ngaleupaskeun kameunangan nu geus aya di na dampal leungeun !?" "Oh, enya, tapi tetep Kaula keuheul ka eyang Bhisma, nu geus ngahinakeun pisan ka Karna." "Geus tong loba dipikir masalah eta mah. Sok geura asup deui ka na gempungan Terus umumkeun sacara Resmi; yen Bhisma Dewabrata diangkat jadi Maha Senapati. Keun we masalah Karna mah." NYa atuh Suyudhana teh eleh deet; teras lebet ka na Gempungan deui; saparantos sadu2 nyuhunkeun hapunten ka sadayana; teras wae ngumumkeun yen Bhisma sacara Resmi diangkat jadi Maha Senapati Astina. Tunda Pihak Kurawa; ayeuna kumaha pihak Pandawa ? NYata di Pandawa ge nuju gempungan ngeunaan saha nu bakal diangkat jadi Maha Senapati. Aya nu milih Drupada; aya nu milih Bhima Sena; aya nu milih aya nu milih Shikandin/Srikandhi'; aya oge nu milih Satyaki jeung Drestajumna. Tapi akhirna diayakeun "VOTING" nu kaluar nya eta Drestajumna. NYa atuh Drestajumna kapilih jadi Maha Senapati para Pandawa. Hanca

 

__._,_.___