Samemeh Bharata Yudha ka-6

 

Tunda cariosan di Nagari Astina; urang ayeuna ningali hiji nagari leutik nu jadi nagari pinggiran ti Astina. Najan leutik, tapi eta Nagari teh kalintang kasohorna, moal sambarang Nagara nu wantun nyisikudi nagari eta. Naon nagarana ? Najan leutik tapi nyata rahayatna makmur sadaya, para senapati tamtamana kaciri digjaya; naha eta Nagara leutik, bisa kasohor ? Taya lian kulantaran kharisma atawa Pangaruh nu jadi Rajana, salian ti wijaksana, oge kasohor tukang perang, ahlina perang; lamun perang tara eleh. Nagari naon atuh eta teh ? Taya lian ti Nagri Awangga, atanapi Angga. Ari nu jeneng Rajana , teu aya sanes mung Basukarna atawa Karna atanapi Aradea. Tapi ari dina pasamoan agung mah, sering disebat Raja Angga/Awangga Karna. Naon nu jadi kaistimewaan ieu Basukarna ? Basukarna jadina Raja Awangga, estu milik ragrag ti langit; cek babasan, teu ngimpi2 acan. Naon margi Karna tiasa janten Raja? Ku margi waktos demonstrasi manah; Karna tiasa nyaruaan Arjuna; nepi ka Duryodana muji2nya teh enya2; nepi ka langsung ngangkat dulur teh nya waktu harita. NYa dipasihan Karajaan leutik tur werit, nya eta Awangga; tapi di na cepengan Karna, Awangga jadi makmur; utamana rakyatna, lantaran Karna mah tara pisan mentingkeun dirina pribadi; asal batur senang; najan harta naon wae dipasihkeun. Nu mawi rakyat nya kacida sarenangna boga Raja Karna teh. Tapi ti na sakitu alusna kalakuan Karna kudu we aya cacadna. Naon cacadna Karna ? Nya eta embung eleh ku sasaha, jeung ngarasa asa aing pangjagona manah, kapungkur kantos bade guguru ka Resi Drona, tapi ditolak lantaran Drona tos jangji ngan ukur bade ngajar ka para Putra Pangagung wungkul. Harita Karna langsung nyindiran Resi Drona, ari Aswatama anak gegeden ? Terus Karna sumpah:"Eh Resi Drona, tungguan ku sampeyan, Kula bakal neangan Guru nu leuwih alus ti sampeyan; engke murid kameumeut sampeyan bakal jadi musuh Kaula, jeung bakal dielehkeun ku Kaula. Pendak sareng Resi Parasurama, anjeunna nyamar janten Brahmana; tapi akhirna katohyan, dugi ka disupata ku Parasurama; yen isuk jaganing geto; di na waktu nu nangtukeun pisan, Karana bakal hilap ka na jangjawokan aji Bramastra, Hanca

__,_._,___