Bahasa - Undak-Usuk Basa Bagian 1

 

 

Punten ieu sim kuring minuhan deui milis ku UUBS, manawi bahan katampi we. Mudah2an aya oge nu peryogi, upami teu di na praktek atau kanggo ELMU lah. UUBS teh hartosna aturan panta2 Nyarios Basa Sunda, ti nu nyarios ka jalmi nu nampi eta cariosan 1. cageur - sae - pangesto - damang ditambihan Budaya Islam Alhamdulillah Cek Ki Danu ka sobatna , Ki Solah : "kumaha cageur euy ?" Jawab Ki Soleh :"cageur euy, kumaha di dinya ?" Cek ki Danu ka Kulisi Desa :"Aeh Mang Kulisi, kumaha damang ?" Walon Kulisi :"pangesto, sawangsulna." Danu :"sae, nuhun, bade angkat kamana atuh mang Kulisi teh ? Kulisi :"Kumaha tuang Rama sareng ibu, di bumi daramang?" Danu:"Alhamdulillah aya hibar Mang. Kaditu atuh ka rorompok mang, mani tos lami?" Kulisi:"Ke bade ka bumi mah, sasih payun panginten. Salamna we ka tuang rama nya ?" 2. boga - gaduh - kagungan Ki Wira tara2 isuk2 geus datang ka imah Ki Danu. Cek Ki Danu:"Aya naon euy sisinarieun, isuk2 geus datang ka dieu?" Ki Wira:"nu matak, dipiwarang ku ema euy meuli paragi ngalemar; tapi enyaan poe ieu mah teu boga duit pisan. Cik sugan boga duit, tulungan uing." Ki Danu:"Ah nu matak kamari pisan gajih uing teh geus ledis; ke meureun kang Oim kagunganeun." Ki Wira:"Nuhun euy sateuacanna." Ki Danu: Kang Oim manawi kagungan artos, sok nambut heula lah." Ki Oim:"eh, akang ge keur kutud euy, cing ka ema lah. Keur naon duit teh?" Ki Danu:"Aya rerencangan butuheun, abdi nuju teu gaduh artos pisan ayeuna teh." 3. sare - mondok - kulem - ebog - molor Ki Danu:"Duh aing mah hayang sare deui, peuting tadi kakara sare jam 3 euy." Ki Salim:"ah maneh mah da tukang molor atuh, masing sare jam 10 ge tetep we." Ki Danu:"Lain kitu, enyaan peuting tadi mah sare teh telat, lantaran lalajo Wayang euy ti RRI Bandung. Padahal Apa jeung Ema mah tos karulem sadayana oge." Ki Salim:"Ari tukang molor mah atuh, tong make hayang lalajo wayang, hahahaha." Apana KI Danu:"Danu geuning siga nundutan?Nepi ka Jam sabaraha peuting lalajo Wayang teh? Ki Danu:"Wah abdi mah ampir teu mondok,apa. Kantun tunduhna we ayeuna mah." Apa:"Jung we kaitu atuh sarekeun heula, bisi lieur engkeh." Ce Ibuna KI Danu ka incuna:"Sok nyai geura ebog, geura bobo, enjing urang amengan deui." (Ngabiasakeun Basa nu lemes ka BUDAK leutik.) 4. indit - mangkat - angkat - miang Tadi apa tos angkat ka kantor jam 7; si udin si Bungsu oge, geus mangkat ka sakolana. Uing mah indit neangan pakasaban teh engke we ah, kira2 jam 9." Ibu:"Danu, jam sabaraha rek ka kantor teh? ayeuna geus jam 8:45 ke kabeurangan." Danu:"Hehehehe, muhun ema, sakedap deui abdi bade miang; kantun dibaju wungkul." 5. dibaju - diraksukan kuring/abdi geus dibaju.             Bapa tos diraksukan 6. kuring/abdi keur make baju             Bapa nuju nganggo raksukan 7. batuk - gohgoy Nu ieu mah jelas hampang pisan nerangkeunana; ngan aya wae nu sok nyebut abdi gohgoy. Padahal mah kuduna na mah :       kuring/abdi batuk                bapa/ibu gohgoy 8. gering - udur - teu damang kuring gering      abdi udur            bapa teu damang Tah sakitu heula, mudah2an aya mangfaatna. Abbas Amien

 

 

__._,_.___

__,_._,___