Carios Wayang - Bambang Kombayana

Barang ngupimg yen sobat dalitna Sucitra diangkat Narpati di Nagara Pancala, Bambang Kombayana kalintang bingah manahna; anjeunna gilig bade nyusul ka sobatna, lantaran kahiji Ramana parantos ngahiyang, atuh kaduana sono pisan, lantaran sareng Sucitra teh Bangbang Kombayana mah estu sakokoh pisan. Duanana tos paheut jangji bade silih belaan, malihan Sucitra mah waktos aya di Padepokan teh, teu asa2 deui, langsung ikrar yen lamun isuk jaganing geto Anjeunna ( Sucitra ) tulus diangkat Narpati ngagentos Ramana, anjeunna bakal ngabagi Nagarana Pancala jadi dua bagian. Hiji kanggo sobat dalit nya eta Bangbang Kombayana, nu sabeulah deui nya teras dicepeng ku Anjeunna. Kitu eta jangji teh. Bangbang Kombayana kacida percantenna ka sobat medokna teh, piraku deui Sucitra nu sakitu satriyana cenah, rek nyarita percumah. Nu mawi barang mireng yen Sucitra tos diangkat Nalendra, Bambang Kombayana kalintang bingahna. Bingah lantaran mireng sobatna tos hasil, bingah bakal pamprok jongok deui sareng sobat, di na kaayaan anu sakitu ngagumbirakeunana. Atuh katiluna, panginten Bambang Kombayana ayeuna teh bakal Jadi Narpati oge, bakal senang, bakal lubak libuk, moal kakirangan sandang pangan. Nya atuh enggalna carita, Bambang Kombayana teras wae angkat bade milarian sobatna tea di Nagari Pancala. Pancala teh tebih pisan, ti eta Padepokan singkur teh, tiasa mulan malen, sareng kedah ngalangkungan leuwi nu lega tur jero caina, jadi sanes perkawis gampil nuju ka Pancala teh. Tapi ku margi tos tekad tea, nya Bambang Kombayana teh angkat nuju Pancala, bari kirang sayagi di na sagala rupina. Nya atuh kalan2 mah, ieu Bambang Kombayana teh lamun kalaparan, atanapi aya kabutuh, nya kapaksa musapir. hanca

__,_._,___