Bambang Kombayana ka - 3

 

Swuh Rep Datapitana.....................Di leuweung anu sisi walungan gede, simggetna wae Kuda bikang teh ajaib pisan reuneuh, salapan bulan ti harita ngajuru; nya satekah polah we B Kombayana ngabantuan ieu si Kuda ngalahirkeun.................. kaget mireng na ningaliiii    eeeeee.............   Bambang Kombayanaaaa............... toroktok tok tok tok ................. Eta kuda teh sanes ngalahirkeun KUDA deui, tapi OROK manusa, nu mulus; orokna lalaki, kaciri lucu jeung kasep. Kaget oge bingah manah ieu Bambang Kombayana. Duka kumaha, jol cop aya rasa deudeuh nu sesah diukur. Cek paribasana Asih tumekaning pati, nyaah tinandonan nyawa, ieu B Kombayana ka Jabang bayi nu nembe dilahirkeun teh. Panginten upami ayeuna mah, disebatna teh aya hubungan bathin, antara dirina ka eta orok. Atuh mani dirawu dipangku eta Orok ku B Kombayana teh; teu nolih deui ka si Kuda Bikang mah; terus bae diberesihan eta bayi teh; bari nelek2 rupa bayi. Estu gagah. Hahahaha aing teu kudu hese2 kawin, ayeuna geus boga anak. Kitu gerentes manah B Kombayana. Ah ieu budah teh nyata Kasep, pigagaheun tah; sigana mah moal aya nu nandingan jeung nendengen ieu budak. Ku Kaula bakal dingaranan Bambang Aswatama ! Lantaran masing kalah kumaha oge, indungna KUDA. Barang emut ka indung eta budak, kakara B Kombayana sadar yen eta Kuda kakara ngalahirkeun, kudu gancang disampeurkeun; tapi barang luak lieuk, eta Kuda tos teu katingal deui. B Kombayana ngagentraan bari ngarungrum; da ari ku pandangan B Kombayana mah, eta Kuda teh istri anu kalintang geulisna. Barang nuju culang cileung bari ngagentraan; karaos aya sinar ngarerab, tapi teu panas; katingal ngajul ka awang2 aya waruga manusa tapi ngalayang, bari moncorong aya sinaran nu ngaliput eta waruga; nyata eta teh ISTRI anu kalintang geulisna; persis titingalan Kombayana ka wanoja nu sakapeung jadi Kuda. Bambang Kombayana kacida kagetna. Eta waruga istri geulis teh ayeuna mah anggoanana lengkep, henteu buligir deui; busana maneka warna.............. Eta waruga wanoja teh imut ngagelenyu ka B Kombayana, bari teras sumaur :" Eh Bambang Kombayana, tong kasamaran, Kaula ieu saenyana  asal Kuda tadi, nu geus nulungan andika meuntas walungan. Ari sajatina Kaula teh nya eta Dewi Wilutama, ti Kaindran, nu boga kasalahan, nepi ka dihukum ku Dewa jadi Kuda; bisa Kaula jadi Widadari deui, lamun aya hiji manusa nu DAEK ngawin ka diri Kaula nu mangrupa Kuda, bari nepi ka ngalahirkeun budak. Tah ku sabab andika nu geus nulungan Kaula; ayeuna Kaula geus tuntas supata Dewa na. Ku sabab kitu, ayeuna Kaula bakal balik deui ka Kaindraan. Jaga wae eta orok, jeung kudu diaku yen eta teh nyata anak andika." Bambang Kombayana reuwas aya, bingah aya; enggal nyembah ka Dewi Wilutama , bari teras sasauran :"Duh..........Dewi............... Akang teh nyaah pisan ka ieu orok teh, teu dititipan oge ku aa bakal diurus, dipiara; sinareng tangtu bakal diaku anak pisan. Da memang nyata ieu teh anak Kaula sareng nini Dewi. Hehehehe. Ieu ku aa teh tos dipasihan ngaran, nyaeta Bambang Aswatama. Tah atuh Nini Dewi ulah waka mulih ka Kaindraan, yu we atuh urang nyacapkeun kasono sasarengan sareng aa; piraku ieu si Tama teu aya nu nyusuan onaman." Kitu B Kombayana nyariosna bari meredih supados Dewi Wilutama kersaeun nyarengan anjeunna di na enggonong ngasuh putrana nya eta B Aswatama. "Teu bisa, B Kombayana. Lamun Kaula milu jeung andika, atuh Kaula teh bakal dihukum deui, lantaran milampah dursila; Kaula percaya sampeyan bakal bisa miara Aswatama, seug ayeuna Kaula bakal miang." Barang tutup eta carios, sakedet netra eta Dewi Wilutama tos teu katingal deui. B Kombayana kacida hanjeluna, bari mamangku orok nu masih beureun keneh, B Kombayana ngaheruk.................."emh geuning kieu rasana ditinggalkeun ku kabogoh teh, aduh hanjakal ngan sakeudeung Aing susukaan teh, padahal aing keur hot2na ayeuna teh. Emh nasib. Tapi ketang untung aing mah bisa kawin jeung widadari; hehehehe batur mah can puguh. Masing Sucitra oge". Hanca

__,_.

Mailist kisunda

_,___