Bambang Kombayana ka - 18

Barang ningali Bambang Kombayana dikakaya kitu, enggal Prabu Drupada luncat nyaketan nu papuket ; enggal Gandamana dicepeng pananganana ditarik ku prabu Drupada; ny Kombayana lesot ti na pitingan Gandamana; ari Gandamana ku margi ditarikna tarik pisan, dugi ka sababaraha kali tigugulitik. Katingal Bambang Kombayana tos kapiuhan, teu empes2; Prabu Drupada ngarangkul B Kombayana nu teu walakaya, anjeunna oge nyegruk nangis:"Eh sakabeh Prajurit, ieu teh sabenerna mah dulur Kaula, sobat Kaula sakolih; emh nepi ka kieuna. Goreng2 ge ieu teh sobat Kaula dalit pisan, hayu urang urus nepi ka sehatna." Enggalna bae B Kombayana diangkat, teras we dipasrahkeun ka nu sok biasa ngubaran. Aya sapurnamana B Kombayana teu walakaya, ngan humarurung we. Saparantos diubaran mah nya nuju ka sehat. Di na hiji wengi nu simpe pisan Bambang Kombayana nekad bade ingkah ti Pancala, bari masih rumanggieung B Kombayana enggalna tos tiasa kaluar ti eta nagri. Anjeunna teu kersaeun mulih ka tempatna Kerpini/Krepa; ku margi sanget nya isin. Ayeuna Bambang Kombayana tos tanpa daksa, nu dipieling ukur putrana nya eta Bambang aswatama; da mun cacak teu aya Bambang aswatama mah B Kombayana tos nekad nelasan anjeunna nyalira. Ah keun we aing ayeuna nyorang sangsara, sugan we anak aing si Tama, meunang bagja. Emh Tama, Tama, hampura ama, teu bisa geuning nyenangkeun hidep teh malah ayeuna ama teh era rek panggih jeung hidep teh, ayeuna ama geus tanpa daksa; nyeri hate pisan tah di hina2 ku si Gandamana; kitu deui ku si Sucitra atawa meureun ayeuna mah Drupada. Emh moal poho, aing ka arenjeun; awas dibales ku aing. Enya ge geus tanpa daksa Ilmu aing masih kacekel keneh. Akhirna Bambang Kombayana tatapa mujasmedi di hiji tempat nu sepi, nya akhirna anjeunna jadi Resi, ngagentos nami jadi Resi Drona. anjeunna ku margi calakan pisan tiasa nyiptakeun hiji Elmu gabugan ti Parasurama sareng BaradWaja; nya eta elmu teh disebatna Danurwenda. Elmu keur manah memanah. Seueur oge murid nu ngadon diajar ka Resi Drona, boh diajar kaagamaan, boh diajar silat sareng salian ti eta. Saparantos aya ka na tilu taunna nganjrek di dinya, B kombayana atanapi Resi Drona ngaraos kangen pisan palay patepang sareg Putrana nya eta Bambang aswatama; nya atuh saparantos ngayakeun spuratina kanggo perjalanan jauh, Resi Drona enjingna angkat bade ngajugjug tempat Kerpini. Hanca

__,_._,___