| Nyata di na ngamaienkeun panah Bambang Kombayana kalintang kesitna; akhirna ieu dua
nonoman nu perang teh, tos saling nebihan; tapi katingal B Kombayana nu nuju majeng ngadesek Bhisma; Bhisma ampir2 teu aya kasempetan pikeun ngabales; lantaran dipanahan terus ku Kombayana. aya hiji panah persis kana dada Bhisma; tapi sanes nancep malah ragrag ka lemah.
Bambang Kombayana kalintang kagetna, wireh eta panah malah ragrag ka na lemah;
ku margi kitu anjeunna liren manahan. Kumaha ari Bhisma.
Enggal liren oge bari sasauran :" Nyata sampeyan hebat Kombayana; Kaula ngaku
eleh ku sampeyan; cacak eta panah bisa nembus dada Kaula; meureun Kaula lastari.
Jadi sampeyan memang jago; Kaula ngaku. Da teu sabarang jel;ema nu bisa
ngelehkeun Bhisma Dewa Brata Putra Astina."
Bambang Kombayana, sajongjonan mah melengek we ti na ku teu nyangka bakal
nampi cariosan Bhisma anu sakitu dariana; tina sewot ajeunna enggal sadar, yen
anjeunna nu lepat; enggal wae ieu Bambang kombayana nguculkeun jamparing sareng
gondewana; brek deku; cong nyembah; bari segruk dareuda Bambang Kombayana
ngandika :" Aduh Bhisma, hampura Kaula; Kaula sanyatana nu kalah mah; duh Guru
Rama Bargawa; Kaula tumut ka sampeyan; Kaula ngaku guru nu sajati; hampura
pisan tos wawantunan nantang ka Guru. Kaula ayeuna mah ngarasa hanjakal.
Ayeuna Kaula masrahkeun diri ka sampeyan Guru Parasurama; kumaha wae rek
ngahukum Kaula; Kaula pasrah; moal rek ngalawan."
"Hahahahaha, hade hade................eta kalakuan sampeyan teh hade; lantaran
sampeyan daek sadar; ngalakukeun kasadaran. Tapi aya alusna sampeyan tadi
teh, sabab lamun teu kitu moal wanoh ka Bhisma; jeung moal wanoh ka diri pribadi.
Tapi ku sabab sampeyan geus kumalancang ka Kaula jeung Ka Bhisma; Kaula bakal
ngahukum sampeyan. Ari Hukumanana salila sataun campleng, naon wae u jadi tujuan, kudu dibatalkeun; ayeuna sampeyan kudu cicing di ieu tempat ngabaturan Kaula !"
"Dimimitian poe ieu pisan."
Memang rada aneh kalakuan Parasurama teh; anjeunna resep pisan perang, atanapi
lalajo nu perang; tapi duka kumaha ka Kombayana tos cop pisan manahna; saleresna
hukuman sataun kanggo Kombayana sami sareng ngaku murid ka Kombayana.
Atuh enggalna wae Kombayana nyembah, bari nganuhunkeun pisan, boh ka Ramaparasu nu bakal jadi Guruna, oge ka Bhisma lantaran Kombayana ngarasa eleh sagalana ku
Bhisma; utamana dina terbukaning galih; kaweningan Bhisma; estu B Kombayana
taluk pisan.
Caturkeun enggalna bae; ieu Kombayana jadi murid Rama Bargawa; ari Bhisma saparantos gagal ngulem Parasurama ka Karaton Astina, enggal anjeunna oge mulih.
Tapi anjeunna bingah manah oge, margi tiasa ditepangkeun sareng sobat anyar, nu
pinter maen panahna; nya eta Bambag Kombayana. Diulem oge ku Bhisma ieu
B Kombayana teh; tapi B Kombayana nolak ku margi bade teras ka Pancala; upami tos
tuntas guguru sareng Parasurama.
Mung bae B Kombayana sanget nya ngahargaan ka Bhisma, lantaran ku legana
manah ieu satriya pinandita. Ah enyaan Bhisma mah alus pisan perwatekanana;
aing hayang bisa cara manehna. Kitu manah B Kombayana.
Hanca |
Postingan
Tidak ada komentar:
Posting Komentar