Burisrawa Kaedanan - 26

Ti bah AA

 

Beletak wae Arjuna ditonjok lebah dada; tapi teu rengrot. Arjuna:"Sok we teunggeul deui; Kula asa diusapan. Kula moal waka males." Ganda perkasa:"Hahahahha, enyaan si Arjuna..........  " Terasna Arjuna diperekpek; tapi tetep ngadeg teu goyah sama sakali. Ganda Perkasa:"Hehehehe, enyaan kuat yeuh si Arjuna............cing coba Aji Geni; sugan .............." Arjuna:"Sok wae tamplokeun elmu panemu,jampe pamake, aji jaya kawijayan teh ka Kaula, sugan rada karasa; Kaula keur arateul yeuh." Ganda Perkasa mapatkeun ajianana, katingalna tapakna beureum, teras siga ruhay, lajeng Arjuna dicabok. Arjuna rada ngageter oge, karaos rada panas, tapi teras nangtang deui:"Sok naon deui? Nu ieu rada lumayan." Ganda Perkasa teras ngaluarkun aji palumpuhan, kek panangan Arjuna dicekel, teras Arjuna didorong dugi ka tigugulitik. Tapi enggal jagjag deui. Arjuna:"Eladalah, nyata sam[eyan sakti Ganda Perkasa, ayeuna bagian Kaula," Ganda Perkasa:"Hahahaha, sok lah Kaula ge ayeuna kabeneran keur carangkeul!" Arjuna lajeng mapatkeun aji teras wae dada Ganda Perkasa ditonjok; tapi Ganda Perkasa ukur seuseurian. Teras deui Arjuna ngaluarkeun aji geni; tapi si Ganda Perkasa ukur nyakakak. Arjuna lajeng nyepeng tangan Ganda perkasa, nganggo aji palumpuhan; teras Ganda perkasa didorong dugi ka tigugulitik; tapi terasna luncat deui teu sakara kara. "Hahahahaha, nyata Arjuna sakti mandraguna..........  tapi ka Kaula mah, moal mental eta kabeh ajian teh. Sok naon deui kaboga teh ?!" Arjuna hemeng galih oge margi tos sagala dikaluarkeun tapi ieu Ganda Perkasa teu iasa ditalukeun. Enggalna wae ngaluarkeun senjata sakti SARATOMA; ditujukeun ka Ganda Perkasa. Arjuna ngalahir:"Eh, Ganda Perkasa mangka waspada; sampean bakal dikirim ku Kaula, ka tempat asal sampean. Mudah2an sampean sadar, moal ngalajur napsu hayang ngaganggu nagri nu sejen." Hanca 5787EF74-ACDF-2699-46C1-853962BE7E34 1.03.01