[kisunda] Bharata Yudha a -37

 

Satutas Satyaki mundur ti Medan saputereun Yudhistira, nu ngahaja teu dihalangn ku Dronap; terus Drona beuki campuh ngamukna; dugi ka salian seueur nu kateteran, oge seueur nu tiwas ku pangamuk MahaSenapati Kurawa ieu. Tapi ari ka Yudhistira mah, ngan ukur corowokna we nu tarik, buktina mah siga nu rada api2; da memang salereesna mah Resi Drona nyaah ka Pandawa teh, utamana ka Arjuna. Jadi siga enya we rek nangkep Yudhistira; tapi di na pangperangan ieu, bari siga mere jalan pikeun Yudhistira teras nebihan ti Resi Drona. Kantenan panginten ayeuna mah Drona tos uninga aon jero2anana maksad Duryodhana.   Perang tambih siang, tambih rame wae; tapi diantos antos Satyaki, teu muncul2; Yudhistira kalintang geumpeurn; enggal wae miwarangan Bhima nyusul Arjuna.   Bhima nambalang bari nyarios:"Yeuh Darmaji, cing sing tenang jeung sabar; Kula percaya yen si Jenet mahi ngalawan saha wae oge; jadi tong ringrang, tong hariwang. Sabalikna sampean geus ditinggal ku si Jenet, terus ku Satyaki, ayeuna Kaula deuih dititah, Wah susah atuh, kumaha tanggung jawabna."   Yudhistira:"Eh Yayi Bhima, tadi akang ngadenge tarompet keong Pancadnyana bogana Kresna geus ditiup; tapi teu dibarungan ku sora ngajeleterna Gondewa Arjuna; naon eta hartina ? Hartina mungkin Kresna ngudar sumpahna moal perang; meureun Arjuna geus dikepung musuh; geus cilaka; jung gancang gura giru indit; mun nenjo Ki Arjuna walagri, gancang kaluarkeun sora Singa sampean. supaya akang reugreug, Jubg ulah ngabantah deui."   Saleresna mah mo tiasa Bhima dipiwarang atanapi dipaksa ku saha wae oge; tapi ari ku Yudhistira mah, duka kumaha Bhima teh teu tiasa naon2; nya atuh enggal pamitan bari nyorowok:"Kembar, poma sing iatna jaga Darmaji!"   Nakula Sadewa ngawangsulan:"Sandika, kakang Bhimasena."   Enggalna wae Bhima miwarang kusir karetana norobos Pasukan Kurawa?Astina nu ngabaris ngahalang halang lampah Bhima; tapi Bhima teu keder teu sing, gadana Rujak polo dibulang balingkeun bari naek karetana; saha nu nyaketan teu lami teras tariwas. Aya sabelas deui Putra2 Prabu Dristarastra tiwas poe harita.   Drona enggal maju kapayun ngahalang pamaksudan Bhima nuju ka medan dimana Arjuna nuju perang sareng Jayadrata; di na manah anjeunna pasti ieu Bhima bakal ngalakukeun sapertos Arjuna tadi ngaliwatan anjeunna.   Tapi nyata Bhima mah teu kitu malah nyorowok ka Resi Drona:"Eh, Resi Drona ! Bareto mah enya sampean teh Guru Kaula, tapi di na waktu ayeuna mah urang teh MUSUH, Satru. Tadi Arjuna ngaliwat kadieu ; eta pasti lantaran sampeyan ragu2 ngalawan Ki Pamadi; kitu deui ki Pamadi pasti hormat pisan ka andika. Tapi jeung Kula mah sejen deui." Saparantos nyarios kitu teu tata pasini deui Bhima maledogkeun salah sahiji gadana dugi ka kareta Drona ancur; barang digentos, barang diancurkeun deui ku Bhima; saterasna Bhima miwarang kusirna mecut kudana mabur ti eta tempat nuju ka tempat Dananjaya perang. Drona kantun hanjelu; tapi teras deui neraskeun pangmukna.Bari alesanana bade nangkep Yudhistira.   Arjuna nuju perang mayunan Jayadrata sareng para bentengna, nya eta Duryodhana, Dursasana, Kripa, Salya, Karna, Aswatama, Burisrawa sareng nu sanesna deui. Tapi ASrjuna teger, teras maju, keur kitu jol Satyaki; atuh Arjuna rada ngagebeg, naon sababna ieu Satyaki ngantunkeun Yudhistira? Sareng deui di dinya aya musuh satru kabuyutan Satyaki nya eta Burisrawa; wah enyaan ieu Satyaki neangan panyakit? Kitu manahna Arjuna waktos harita.   HANCA

__._,_.___

Reply to sender | Reply to group | Reply via web post | Start a New Topic

Messages in this topic (1)

Recent Activity:

·         New Members 3

Visit Your Group

Switch to: Text-Only, Daily Digest • Unsubscribe • Terms of Use

.

__,_._,___