Dina poe ka-14ieu, rosa pangamukna Arjuna nu bade nembus Pertahanan Kurawa/Astina nu ngajaga Jayadratta; dimana mana nimbulkeun karuksakan sareng korban, anu tos teu kaetang deui jumlahna. mangrebu rebu prajurit tiwas ku panah Arjuna; rebuan Pahlawan sareng Senapati ngemasi pati. Teu kawilng anu taratu mah. Nyata kagagahan Dananjaya lain beja. Ayeuna kabuktian pisan, Seueur Pahlawan purah tarung di na pupuh,harita mah ngacir ngantunkeun palagan, gimir ku ketak Arjuna, nungamuk lir Bhatara Yama. Seueur Raja nu biluk ka Kurawa hemar hemir, satutasna mundur ti palagan, terus we noyod balik ka nagarana; teu bebeja2 acan ka Suyudhana.
Di Medan Perang sanesna, Pasukan Utama Kurawa/Astina nu dipingpin ku Senapi Agung Drona, nuju ngangseg Pasukan Pandawa nu nuju ngabentengan Yudhistira supaya ulah katangkep; ieu oge rame pisan. Resi Drona enyaan sakti mandraguna, totosan bojana kulit, manusa utama, tandangna Dewa th lain bobohongan, Teu aya hiji Pahlawan Pandawa nu tiasa ngalawan ieu Resi Drona. Saparantos Drestadjumna teu walakaya, dicandak ka kemah kanggo istirahat; teras ngawonkeun Satyaki, dimana Satyaki ampir2an ngemasi pati. Saterasna Drona kaganggu ku Bhima nu bde nyaketan Arjuna, Tah ayeuna mah salse, teu aya nu dipikaserab ku Resi Drona; anjeunna teras maju.
Srikandhi nyoba2 ngahalangan kiprah Resi Drona, akhirna boborot getih tapak panah; teras wae mundur ti palagan. Dristaketu maju ngahalang halang Drona, salian ti kuda sareng karetana nu ancur; Drestaketu oge ampir2 ilang nyawa. untung Utmaujas manah ti gigir ngahalang Drona; Dristaketu enggal disalametkeun. tapi ayeuna nu ripuh Uttamjujas; enggal wae kabur ngantunkeun palagan jurit.
Drona sinareng Pasukanana teras ngambreg, ngadesek Pasukan Pandawa nu ngajagi Yudhistira. Nakula Sadewa nyobian ngahalang halang ; Drona dikoroyok, tapi memang Drona digjaya, Nakula Sadewa oge teu kiat ngalawan Drona; tos pinuh ku tattu; teras wae mundur ti kalangan, bari ditarulungan ku Pahlawab sanesna; mun teu kitu pasti cilaka.
Raja Sepuh Prabu Maespati enggal makalangan; rame silih panah ieu dua jago sepuh; tapi Maespati memang sanes tandingan Drona; tos aya tilu panah nu narancep ka na Raga Prabu Maespati; eta teh keuna mamarasna p[isan; sakedahna mah mundur. Tapi Prabu Maespati teu kersa mundur, teras wae majungalawanan; nya atuh akhirna ieu Raja sepuh teh tiwas rubuh ti na karetana. Perlaya di na bebela ka Pandawa sareng Yudhistira.
Drona ngangseg tos caket pisan ka Yudhistira; enggal bae Prabu Pancala Drupada mentangkeun jamparing, ngahalangan majuna Resi Drona. Ieu dua satru kabuyutan, nu asalna sobat dalit, tur sami2 guguru manah ka Resi Baradwaja ramana Resi Drona, rame silih panah narohkeun umur. Sagala katiasa Drona tiasa oge dilakukeun ku Drupada; atuh Perang teh enyaan ayeuna mah ragot pisan; itu ieu pada wani; pada maher di na metakeun jamparing. Estu duanana jago tarung pilih tanding.
Tunda perangna Drona - Drupada nu geget sami2 perkasana; ayeuna urang nuju ka medan perang Arjuna, nu nuju milarian Jayadrata.
Harita panonpoe tos lingsir ngulon, sakedap deu burit, teras panonpoe tos bade surup.
Suyudhana nyarios ka KARNA sareng ka nu sanesna:"Tuh tenjo, panonpoe skeudeung deui bakal surup. Arjuna mustahil bisa nelasan Jayadratta. Manehna bakal wirang, tangtu maehan maneh ku jalan ngagebruskeun diri ka na seuneu nu ngabela bela. Sampeyan usaha satekah polah pikeun ngahalang Arjuna ngadeukeutan ka Jayadratta. Poe ieu jigana mah mujur pisan keur Kaula. Sakeudeung deui Arjuna bakal lastari lantaran salah sorangan . Wawanian sumpah, nu mustahil kahontal. Hahahaha, tah Aswatamma, Kripa, lan Prabu Salya pegatan Arjuna. Mun Arjuna geus lastari, pasti urang meunang perang. Pandawa tanpa Arjuna, sarua wae jeung bohong. Teu boga kakuatan. Jdi Astina bakal kapimilikkuKaula sorangan, tanpa aya nu ganggu gugat deui. Hahahahaahha. Sing ariatna jaga Jayadratta."
Karna enggal nimbalan:"Raja Anom Duryodhana, sanajan Kula ayeuna awak asa pasiksak, lantaran tadi peperangan ngalawan Bhimasena, Kaula bakal maju deui bebeakan, mun perlu masrahkeun nyawa keur ngabela sampeyan !"
Di na kaayaan kitu, Kresna niup tarompet KODE, ngan sakedap antarana Daruka tos jol na Kareta Kresna, bari ngabantun hiji kareta kosong. Daruka teh kusir kareta Kresna, nu mahir pisan ngadalian kuda. Jadi datangna ka ieu tempat taya nu ngaganggu, da kusir kareta; dua kareta teh lengkep pisan persenjatanana. Daruka make jalan nu tos ditaratas ku Arjuna, atuh ampir teuaya pisan Pasukan Kurawa di dinya; da seueur nu kalabur tea.
Nu matak Daruka gancang pisan tepina kadinya.
Kareta sareng kusirna ditambutkeun ku Kresna ka Satyaki, nu tugasna pikeun nangtang Karna katempat misah ti dinya, ulah tebih teuing. Nu hiji deui dipasihkeun ka Bhima, nu tos cekap istirahat kanggo ngalayanan Pahlawan sanesna.
Der wae Karna perang sareng Satyaki; nyata ku kusir Druka, Karna jadi kadesek pisan malah akhirna kareta sareng kudana tos ancur; atuh teras we Karna luncat ka na kareta Duryodhana, galihna nyarios yen KUSIR teh geuning kacida pentingna.
Di Medan sejen, Bhima tarung sareng Salya; estu duanana Pahlawan digjaya, sami2 rosa; sami2 jago.
Arjuna, nu ti isuk jedur teu istirahat, teras perang, teu katingal lesu, malah sumangetna nambahan, lantaran teras emut ka Putra Kakasih Abimanyu. Dananjaya na dadana HURUNG ku hoyong males pati. Aswattamma areng Kripa tos boborot getih kapanahan ku Arjuna; duanana mundur, digentos Pahlawan sanesna deui. Poe beuki sore wae, panonpoe bakal surup, dugi ka ayeuna Arjuna teu acan tiasa nelasan Jayadratta. Enggal wae Kresna mapatkeun ajian, sakedet netra Kurusetra jadi poek, lir peuting. Duryodhana ngagorowok tarik pisan, bari dibarung seuri ngagakgak:"Hahahahaha ! Arjuna sampeyan geus gagal ! ngalaksanakeun sumpah sampeyan! Tuh tempo panonpoe geus surup!"
Jayadratta nu keur nyempod badi nyorodcod tuur nguping kasauran Duryodhana, rada bingung, lantaran asa2; asana poe can burit2 teuing; terus tatanggahan, euh enya geuning poek, duh kula salamet............ hehehe............... salamet."
Kresna enggal ngaharewos ka Arjuna:"Partha, tuh tempo si Jayadratta keur tanggah nenjo ka luhur, sok laksanakeun tugas andika. Da sabenerna mah panonpoe can surup, ku Kaula dijampe supaya peteng!"
Ngan sakilat Arjuna mentangkeun dua jamparing; nu hiji nigas janggana Jayadratta, nu hiji deui mawa sirah Jayadrata katempat nu rada tebih ti dinya; diukur pas ka na pertapaan Wridaksastra Ramana Jayadratta.
Harita Wridaksastra nuju semedi; sirah Jayadrata pas pisan ka na pangkonan Wridaksastra. Wridaksastra kaleresan tos tamat semedina, teras we ngadeg; barang ngadeg, barang gulutuk wae sirah/mastaka Jayadrtta tigugulitik niban lemah. Ku mrgi anjeunna tos NYAPA tea, nya atuh harita keneh mastaka Wridaksastra ancur burakrakan lir keuna ku BOM. Wridaksastra tiwas ku Sapa Pastu anjeunna nyalira.
Saparantos Jyadrata tiwas angkasa lenglang dui; panonpoe mucunghul deui sakedap; tos kitu mah teras we urup saperti biasa. Ditempat sanesna pas panonpoe bade surup Drupada katingal tos cape pisan; hiji dua panah Drona ngeunaan ragana; ari Drona mah, ku margi salian ti jago panah, oge elmu panemu jampe pamake sareng aji jaya kawijayanana kumplit, teu katingal cape atawa lesu. Atuh akhirna mah Drupada tiwas;
teu kiat ngayonan pupuh. Pas harita panonpoe surup. Atuh Drona teh gagal deui wae nangkep Yudhistira na teh.
Satyaki sareng Kresna niup tarompetna kanggo tanda yen Arjuna tos sukses ngalaksanakeun tugasna males pati ka Jyadratta; teras Arjuna oge ngajepretkeun gondewana. Ari BHIMA nyorowok ku sora singana nu tos kasohor. Teras wae diusul ku Sangsakala tutup ieu perang.
HANCA
|
Postingan
Tidak ada komentar:
Posting Komentar