Brehadrata, Raja kasohor Weduk; teu gampil ditembus senjata naon wae oge; tapi gaduh kalemahan di na urat caket cepil; ka sasaha wani; teu aya kasieun, tapi ari ka Arjuna mah gimir, lantaran apal yen Arjuna tos apal kana permatina; ku margi kitu, najan ari corowokna mah masih lantang, tapi ari maju katengah medan mah, ieu Raja Brehad Rata teh masih rada asa asa; da sieun pendak sareng Arjuna; tapi tadi wengi ngiring gempungan sareng para Kapala Perang; dimana anjeunna hohoak bakal mateni Arjuna; atuh di na poe ka-14 ieu anjeunna ditungtut kedah megat Arjuna, nu bade nelasan Jayadrata; atuh kapaksa gimir2 ge ngawanikeun anjeun, maju ka tengah medan. Harita Arjuna nembe oge ngancurkeun balatentara nu dipimpin ku Kritamarma sareng Sudaksina; nya akhirna tos maju nyaketan kareta Brehad Rata.
Brehadrata ari tos papayun payun sareng Arjuna mah rada ngageter; anjeunna ngaraos hanjakal ku naon make ngaburaong tadi peutting; anjeunna hemar hemir; tapi akhirna nekad, teras cek di na manahna keun masing enya ge si Arjuna apal ka na Permati Kula; can puguh bisa manah ka na handapeun ceuli; keun we rek lahlahan ayeuna mah.
Saparantos negerkeun maneh, Brehadrata sasauran bari rada ngageter:"Eh Arjuna, mangke heula, sampeyan tong gana2 maju; ieu aya Kaula Raja Brehadrata; moal gampang sampeyan ngaliwatan Kaula jeung pasukan Kaula !"
Arjuna teu seueur saur enggal wae ngabagi panah dugi ngrebu, ka Brehad Rata sareng pasukanana; atuh pasukan Brehad rata mani carem kapanahan; ai Brehadrata mah teu rengrot2 acan.
Brehadrata seuri mani ngagakgak:"Hahahaha ! Arjuna sampean mah wanina ngan ukur ka Pasukan Kaula; coba ulah manahan pasukan; tah ieu we Kaula !" Brehadrata nyarios bari nepakan dada anjeunna.
"Eh Brehad rata mangka waspada, ;amun sampean nyaah ka pasukan sampean, undurkeun sing jauh, jeung ulah wani2 megatan Kaula; mun henteu ulah sambat kaniaya; ku Kula bakal dilediskeun, saperti ngalediskeun pasukan Trigarta."
Eta ancaman Arjuna yakin Brehadrata, sanes ancaman kosong, enggalna wae Brehadrata mere isyarat ka Paukanana supaya ulah aya nu wani ngepung ka Arjuna. Teu kudu ngaduakalian, memangna Pasukanana geus gimir ku Arjuna, jeung aya conto Susarma sareng sadayana pasukan, kapan ledis disikat ku Arjuna; atuh pasukan Brehadrata ngantunkeun Rajana nyalira ngalawan Arjuna; ngan ti kajauhan masih lalajo nu tarung.
Saparantos dikantun pasukanana, Raja Brehadrata longkewang deui manahna; aduh aing wawanianan ngalawan Arjuna sorangan; keun we ah geus kapalang; geuning tadi ge panah Ki Arjuna teh euweuh nu nembus hiji ge; cing ayeuna mah Kaula rek nyerang miheulaan.
Enggalna wae Brehadrata tos manahan Arjuna sababaraha kali; tapi sadayana oge clak clik niban lemah teu aya nu keuna ka Arjuna; lantaran panakis Arjuna estu pas pisan.
Arjuna teu ngantep teras males sababaraha kali; gondewa Brehadrata parotong sababaraha kali ganti; tapi dipotongkeun deui ku Arjuna; saterasna kudana karetana ancur; atuh ayeuna mah Brehadrata kapaksa ngalawan teu nganggo kareta; ari kareta Arjuna enggal muter ngurilingan Brehadrata. Brehadrata waspada yen anjeunna memang kudu tiwas ayeuna mah lantaran, ti palih mana wae oge urat2 sahandapeun cepilna tangtos tiasa dipanah ku Arjuna; anjeunna sadar yen memang Arjuna punjuling ngapapak; manusa utama, tandangna Dewa; nya anjeuanna mesat pedang kanggo ngalawan dugi ka akhir. Tapi teu lami margi Arjuna tos mentangkeun panah nu ngaahiung ku tarik2na; keuna pisan ka na permati Brehadrata; atuh harita keneh Brehadrata ngagebluk niban lemah; lastari ngemasi pati.
HANCA |
Postingan
Tidak ada komentar:
Posting Komentar