Perang poe ka-12na nyata kacida matak ginggiapeun pisan, lantaran campuh pisan ku nu ngaramuk. Di Beulah Kidul Arjuna tanpa pasukan ngamuk ngalawan Pasukan Trigarta sagemblengna; di Medan sanesna Resi Drona mimpin Pasukan kanggo ngubrak ngabrik formasi padukan Pandawa.
Arjuna nyata ahli perang nu tos kauji; najan nyorangan tapi Dananjaya bisa apal kamana kudu nuju; iraha kudu mengkol; jeung tiba saatna kudu mundur. Di na hal ieu ditunjang ku kaahlian Kresna ngulinkeun kadali; estu sasirilikna teh Arjuna ngan sakilat2 maragatkeun nyawa ratusan sareng rebuan Pasukan Trigarta. Dugi ka seueur nu ting balecir kasieunan; gancang wae Susarma nyorowok, yen maranehna geus sumpah; atuh nu kabur teh kapaksa baralik deui. Nya sasatna didieu mah, Arjuna teh keur nyabutan nyawa Para paqsukan Trigarta; tapi teu bisa kumaha deui kapaksa Arjuna tega.
Ari Drona tos tiasa papayun payun sareng Darmaputra; enggal Darmaputra manahan ka Drona tapi ngan sakilat sakilat ditakis; saterasna mah malah gondewa Yudhistira potong; digentos dipotongkeun deui; Yudhistira estu ripuh pisan. Untung datang Dristadsjumna teras nyerang ka Drona model poe kasabelas; tapi ayeuna mah ngan sakilat pisan, Drestadjumna tos ngajungkel dina karetana, tatu parna; teras wae dibawa kabur ku kusirna. Teras Drona ngangseg deui. Yushistira ngalawan deui; tapi akhirna tos teu nyepeng senjata naon2. Satiajid enggal ngahalangan Drona; tapi ieu ge teu lami teras tewas sareng kuda kareta lan kusirna disikat ku Drona.
Satiajid dibantu ku Wrika salah sahiji Putra Drupada ti Panchala; tapi ieu oge teu mangga pulia tiwas ku Resi Drona. Kabeneran Satanika salah sahiki Putra Prabu Naespati muru rek nulungan Yudhistira; tapi ieu ge teu lami teras tiwas. Raja Katama, sakutu Pandawa datang sareng karetana rek bela ka Yudhistira; tapi ieu oge tiowas ku Resi Drona. Washudana sobat Raja Katama bela pati; tapi lain tiasa males malah ku gempuran Drona, akhirna tewas oge.
Yu8dhamanyu, Utamauyas, Satyaki jeung Srikandhi ngaburkeun kudana nyaketan sareng megat Resi Drona nu bade nangkep Yudhistira; teras ngoroyok Resi Drona; tapi Drona tenang we; malah males nyerang ka ieu Pahlawan opat. Nu Opatan raripuheun pisan. Enyaan Resi Drona nu baheulana ngaran Bambang Kombayana teh kacida saktina; teu bisa dilawan ku Pahlawan sambarangan.
Suyudhana bingaheun pisan ningal ketakna Resi Drona, teras nyarios ka Karna nu teras aya caket anjeunna:"Tingali ku sampeyan Raja Angga, Karna. Tuh yeuna ma sigana Pandawa bakal bisa ditalukeun."
Karna nambalang:"Moal .......... Pandawa moal bisa ditalukeun kitu wae; kabeh Pahlawan Pandawa daraek ngorbankeun nyawa; lila2 mah Resi Drona bakal capeeun sorangan, Sok ayeuna mah ku sampeyan bantu; tuh Bhima Gatotkacha geus nuju ka tempat eta.
Suyudhana gancangna mimpin pasukan gajah ngepung Bhima nu rek ngaraponan Drona; atuh der we perang campuh antara pasukan nu dipimpin ku Suyudhana sareng pasukan nu dipimpin ku Bhimasena.
HANCA |
Postingan
Tidak ada komentar:
Posting Komentar