Bharata Yudha ka -38

 

Barng Bhima dugi ka medan peperangan dimana Arjuna nuju tarung, enggal wae nyorowok bari ngaluarkeun elmu Singa ngahaum; Kresna enggal niup tarompet Pancadnyana; kitu deui Arjuna ngajeterkeun Gondewana. Yudhistira nguping soanten Bhima, nudisusul ku tarompet keong Kresna sareng Jeleter Gondewa Arjuna; anjeunna ayeuna mah tenang pisan; teu geumpeur sapertos tadi. Enggal anjeunna NGADUA ; ngaduakeun Arjuna supados JAYA.   Bhima barang jol caketArjuna langsung ditangtang ku Karna:"Hehehehe, ieu jalma nu purah dahar, si beuteung KARET ! Nu teu ngarti ka na Elmu Perang sama sakali! Lamun enya maneh jago; sok ulah nukangan Kaula; sok kadieu maju! Lawanan ieu Kaula! Ulah ngeplek jawer ngandar jangjang!"   Jaya Bang Winga winga; amarahna Bhimasena estu kagirigiri; enggal wae karetana muru ka Karna. Karna imut ngagelenyu, tapi teras nebihan Bhimasena; bari mundur anjeunna teras manahan ka Bhima ; atuh Bhima teh boborot getih, taratu. Tapi memang Bhima mah dasar jasmanina kuat, najan taratu teras maju nyaketan Karna; nu pikasebeleun bari manahan bari teu weleh seuri leutik ! Dua jago Tarung, ayeuna nuju bitotama; Bhima ngangseg terus, ari Karna mundur bari manahan ti katebihan.Badan Bhima tos beureum pinuh ku getih, nu kaluar ti na tatu tapak dipanahan ku Karna; tapi sadayana teu diraos ku Bhima; teras wae maju. Akhirna mah hiji gada Bhima tiasa ngancurkeun kareta Karna ! Enggal Karna luncat, bari ngagentos karetana; tapi nembe ge naek tos ancur burakrakan ku Gada Bhima. Bhima tambih umanget, margi emut ka na hinaan Karna ka Drupadi, sareng anjeunna pribadi waktos MAEN dadu kapungkur.   Ayeuna mah Krna tos teu iasa mesem deui, margi kareta nu pangakhirna tos caket pisan sareng kareta Bhima; eta kareta tos diadu; saterasna  Bhima Karna ; teras neraskeun tarung Karna nyobian maen panah deui; tapi nembe ge gap ka na gondewa tos diserang ku Bhimasena dugi ka parotong. Karetana diancurkeun deui.   Karna samar rampa; tapi Duryodhana enggal miwarang raina Durjaya ngabantu Karna. Tapi nembege jol; ngan sakilat tos tiwas ancur polona ku Gada Bhima.Karna jadi aya kasempetan ngagentos karetana.   Ayeuna duanana tos silih tumbak, silih panah deui; tapi Gad Bhima nu memang hebat tos ngancurkeun kareta Karna deui; atuh kadua kalina Karna kapaksa teu nganggo kareta; bari rada hemeng kumaha nya ngalawan ka Bhima ?   Suyudhana ngirimkeun deui Raina limaan, ngepung BHima, nya eta : Durmursha, Durmata, Dussuha, sareng Dursuwa. Tapi sanes sieun, Bhima malah tambih sumanget ningal Putra2 Dristarastra; teras wae nu ngepung sadayana diperangan; ngan sakilat sakilat, limaanana ngemasi pati.   Karna ningali pisan eta nu tariwas teh pikeun ngabela anjeunna; kalintang wirangna Karna waktos harita; di pihak Bhimasena lamun teu males ayeuna ka Karna iraha deui. Duanana ayeuna tos sami2 nekad ! Teras tarung deui; tapi tetep Karna dipihak ni nu kadeseh, Bhima memang hebat totosan bojana kulit, tak tedas Palu gerinda teh sanes bobohongan.   Bhima tambih lami tambih ngadesek, pangamukna tos teu katahan ku Karna; enggal wae Duryodhana miwarang deui rai2na supaya ngabantu Karna, Suyudhana kalintang hawatirna yen Karna bakal tiwas ku Bhima. Sakaligus 7 rai Suyudhana, nya eta : Chitra, Upachitra, Chitraksa, Charukchitra, Srasena, Chitrayudha, Wikarna. Tujuhanana ngoroyok ka Bhimasena, sadayana garagah teu aya kagimir, masing apal Bhima gagah sakti mandraguna; tapi Bhimasena teu gimir teu sing, sadayana tiwas ku Gada Bhima; mung Bhima rada hanjakal sabab diantarana aya Wikarna, nu dianggap rada apal ka na kadilan.   Ayeuna mah Karna leres2 teu aya hoyong mesem, atanapi seuri leutik deui, ayeuna mah rarayna beureum lir saga; langkung beureum ti Bhimasena. Duanana neraskeun tarung nu tadi kaselang ku raina Duryodhana.   Duana ayeuna mah soson2 pisan di na merangan musuhna; lami2 Bhima ayeuna mah kadesek, kuda sareng karetana ancur; Bhima lumpat ngudag nyampeurkeun kareta Karna, teras bade dirontok; tapi Karna rikat malincet teras ngagefug ku gada ka Bhima, dugika Bhima ngabangkieung saterasna rubuh niban lemah, anjeunna bade nyerang deui tapi ayeuna mah gondewana diancurkeun ku panah Karna; saterasna gadana oge ancur pisan. Bhima nyandak roda kareta; tapi ieu ge dipanah ku Karna.   Ayeuna kaayaan Bhima bahaya pisan, Karna ayeuna ngagunakeun kasempetan kanggo ngahina sareng nyarekan laklak dasar Bhimasena.   Kresna nu ningal ieu enggal nyarios ka Arjuna:"Parta,tuh tempo Bhimasena geus teu daya upaya, dihina ki Si Karna, mun diantep tinangtu cilaka."   Arjuna enggal ngajeleterkeun gondewana, teras manah ka Karna , mani tepat pisan; gondewana, kuda sareng kareta Karna ancur sapada harita; Karna tigugulitik niban lemah. Barang ngalirik, anjeunna apal yen nu manah teh Arjuna; Karna bingah galih, margi anjeunna emut ka na sumpahna ka Kunthi Dewi , Ibunanu sajati.   HANCA