Fikmin - "Teu Terang!"

Fikmin #Teu Terang!#

Lebah Cikutra, jrut si Hamad urang Malaya turun tina angkot. Kusiwel ngaluarkeun keretas kucel sacewir. Catetan alamat babaturanana. Tumpa tempo, katinggali aya tukang beca, keur ngiuhan handapeun kersen. Ku si Hamad disampeurkeun. "Bang, alamat ini dimana yah?" pokna, bari ngasongkeun sacewir keretas. "Teu terang, Pak!" walon tukang beca. Si Hamad ulak ilik ka luhur, ka handap. "Sini, sini, Bang!" ceuk si Hamad, bari nungtun tukang beca, ka tempat nu teu kaiuhan ku ngaroyomna kersen. "Alamat ini, dimana?" ceuk Si Hamad deui. "Muhun, teu terang, Pak!" Si Hamad ngagerendeng, "Tadi di tempat teduh, 'teu terang', sekarang di tempat terang benderang begini, 'teu terang' juga?" Si Hamad jeung Tukang Beca pakerung-kerung.

__._,_.___