Cersil Sunda ka 18

 

 

Episode ka 11    Tilu Begal taluk   Nu tiluan ti na wani ayeuna mah rada marurengked lantaran memang geus dua kali jadi pacundang ! Tiluanana malundur. Tapi Jalma teu ngantep; ngan sajorelat plak plok ! sababaraha kali eta tilu begal teh meunang tampilingan ti Jalma. Atuh mani tingkoloyong nyarerieun. Terus we nu tiluan nekad make bedog, ngadek ka Jalma. Jalma ngan ukur seuseurian, bari nyentak:"Bedog petok mintul kieu mah, tong dipake ka aing, siah ! aing ge teu butuh bedog kieu wae mah; bari ngan sakilat belewer2 wae bedog2 nu keur dicarekelan teh direbut jeung terus dialungkeun. Sajongjongan mah nu tiluan tinggar kalongeun, lantaran kaget, jeung ayeuna mah apal yen Jalma enya mumpuni pisan; maranehna sarepa; lantaran ayeuna mah percaya yen Jalma teh tangtu murid Ki Nuruistunjung; da moal mungkin ari sambarang Paguron, ngahasilkeun Jagoan model Jalma. Jadi Ki Nurustunjung ayeuna geus boga murid, nya eta Jalma. Maranehna ayeuna mah sieun pisan, terus we nyembah2 sadu2 menta dihampura. Ceprot2 ku Jalma, tiluanana dikepret. Mani ting araduh. Jalma nyentak:Awas siah teu meunang aduh2an !" Jep we euweuh nu wani aduh2an. Mun aya nu nyebut aduh atawa ngarasa nyeri bakal ditampiling deui ku aing !" Sanggeus kitu Jalma ngetig hiji hiji iga eta tilu begal; jerit2 we si Tilu begal ting jarerit terus ampun2an; lantaran memang ku Jalma diketig urat nyerina. Jalma terus nyampeurkeun ditepak pundukna nu tiluan hiji2 ngadadak nu tilu cenghar deui; terus nyarembah ka Jalma:"Aduh Jawara; Pendekar, kuring tiluan taluk, moal wani2 deui ngalawan ka sampeyan……….. tiluan acong2an nyarembah bari careurik. Jalma nyentak:"Tah ayeuna jung maneh PENDEK ! pencetan eta ki Gandi ! awas sing bener, teu bener diketig siah iga maneh!" Teu kudu ngadua kalian nitah; si Pendek terus we mencetan Gandi; bari jeung enyaan da sieun ku Jalma. Jalma nyentak deui:"Jangkung ! jung siah naheur cai; sadiakeun nu biasa dipenta ku balad2 maneh hiji2; mun geus daratang tinggal mikeun ; AWAS saenggeusna beresihan, ulah nalambru!" Teu ngaduakalian si Jangkung gancang ngalaksanakeun parentah Jalma. Si Ganda geus deg2an, sabab pasti ayeuna parentah teh keur manehna; manehna sieun dititah nu lain2; tapi Jalma ngan ukur nitah ngala lauk bari sing loba, engke beresihan cenah; mun beres  engke kudu beuleum sing asak bari disambaraan. Si Ganda atoheun lantaran titahan kitu wae mah enteng; gancang wae ka susukan. Sanggeus sawatara lilana; Jalma nguriling "ngontrol" nu tiluan; enyaan we si pendek keur mencetan si Gandi; si Gandi sura seuri atoheun; terus Jalma ngomong ka Si Pendek:"Engke mun batur2 maneh baralik; awas ulah loba beja, loba omong ! Lamun teu, samemeh urang merenkeun nu sejen maneh bakal diketig ti heula jeung moal dicageurkeun deui !" Si Pendek nyembah ka Jalma pok ngomong:"Duuuh Pendekar; agan, abdi moal wantun nun ! masing dipaksa ge kajeun paeh!" "Heueuh alus ! tong make susumpahan lah; laksanakeun we engke." Ka si Jangkung jeung si Ganda Jalma oge ngomong kitu; duanana jangji moal betus; jeungna deui maranehna ge era sieun digeuhgeuykeun deui ku begal sejenna.   HANCA