Guyon Kulonan - Si Suanah Balik Ti Kota

Guyon Kulonan - Si Suanah Balik Ti Kota
Ku YK

Mawa koper tas jingjingan kardus urut Sarimi nu eusina pinuh ku oleh-oleh. Can deui kantong keresek, beuh bae ribug babawaanna. Ja libur natal jeung tahun baruan. Buukna di beureuman siga artis. Bajuna tengtop calana bulujin. Biwir ipis na make lipen satip nu beureum na hurung ti jauh geus katempo ambucuy. Halis meunang ngerok ngajepat siga nyere, bulu mata kadoang bulu mata sarini. Sendal jungkung lancip 9 inci.

Manteb pisan siga nyonya nu di kota. Padahal mah di batawina geh, jadi tukang ngaberesihan caloset di mol. Tapi lagana sacayut burut. Beak bae sakampung menes mah. Ngadenge si suanah balik si sakim gancang lumpat bari tipoporose make samping jeung kopeah nu geus belel ja kukakebelan teu kaganti.

"Anaaaaaaaaaaahhh iyeu akang anah bebene nyaneh." Suanah malik ja reuwas tea aya nu ngagorowok gegeroan.

Suanah: "Siapa yah saya kagak kenal kamu deh?"
Sakim: "Anah iyeu Akang Anah, Sakim piraku poho ja memeh ka kota mah nyaneh ku akang unggal peuting di kekeceuk bae di kebon ka sapri. Piraku poho anah."
Suanah: "Helloooo liat aku dong. Ini Ana bukan Suanah. Sori yah kagak level. Bari rada lumpat ja sieun ka si Sakim."

Bari jungjat-jingjeut ja sendalna jungkung teuing babawaan ribug. Mata make kontak len warna biru siga meong. Si Sakim ngudag lempang dina galengan sawah. Si Suanah nambah keubat lumpatna. Kulantaran galengan becek sendal jungkung suanah nanceb, gabrug ngaguling kana sawah anu karak menang ngawuluku, atuh cacamut beungeut Suanah pinuh ku leutak. Si Sakim anu tadi kasinggung ku si Suanah lain nulungan kalah kah nga-gkgkgk nempo Suanah berubah jadi bebegig sawah. Karasa ku ene lebok tah ku nyaneh Suanah. Si Suanah gogorowokan teu di denge ku si Sakim.

Sakim: "Sori yah kagak level jeung kebo keur guyang dina leutak." Teu geura ae bari ngangkat samping na di sangsangkeun kana taktak si sakim nonggengan si Suanah. Preeeet suanah milugah jadi ana mpreeet. Pajuh ku sia Suanah. Loba keneh bikang nu hade, mending urang lembur batan ka maneh mah beungeut geus pinuh ku nu palsu. Halis palsu, bulu mata palsu, kana mata geh palsu. Hadoooh aing araringgis nyium na geh beungeutna ges beureum kitu bisi kapanasan leeh hehehehe.

__._,_.___