Karna parantos nguping yen Bhisma tos teu daya upaya deui; kantun ngantos waktos;
enggalna wae Karna wengi eta sowan ka Bhisma; nyalira wae teu nyandak rencang.
Sasumpingna ka medan perang dimana Bhisma ayana; teras wae Karna nyaketan;
tos sidik eta teh Bhisma; nu jasmanina pinuh ku panah; enggal wae Karna ngarawu sampean Bhisma bari ngalimba; ku teu tegana ningal waruga Bhisma, anu tadina sakitu gagahna,
ayeuna teu aya daya .
"Duh Eyang Bhisma nu dipihormat ku sadaya; ieu kuring Radhea anak Kusir Radha, dongkap
sinembah ka sampeyan eyang. Rumasa kuring teh sok wangkelang ngalawan ka sampean;
tah ayeuna kuring dongkap seja menata dihampura ku eyang."
Bhisma matur lalaunan, tapi kakuping ku Karna:"Duh Karna, sampean lain anak kusir;
tapi nyata sampean turunan Satriya anak Kunthi Dewi nu pang payunna lahir; nu jadi rama
sampean nya eta Dewa Surya/Bhatara Surya. Jadi hidep teh geus salah milih; kuduna mah
milu ka Pandawa lantaran sampean teh lanceuk para Pandawa."
"Duh eyang Bhisma, nuhun pesan piwejangna ; kuring oge apal lantaran Bhatara Surya
tos maparin wartos ka kuring. Tapi di na waktu ieu kuring tangtu wae teu bisa ngalesotkeun kawajiban bela ka Duryodhana; naon kasebutna Karna biluk ka Pandawa
waktu ieu ? Tangtu ngaran kuring jadi goreng kacida. Eukeur mah eukeur kuring teh
kaseebut atawa disarebut anak kusir; katurug turug ayeuna cidra ka na jangji rek bela ka Kurawa lan Duryodhana. Jadi punten wae eyang, kuring bakal tetep milu pihak Kurawa;
nepi ka akhirna ieu perang."
Bhisma:"Bener pisan pamadegan hidep; Karna." Enggalna wae Bhisma ngusapan mastaka Karana dijiad pangesto.
Bhisma nyarios deui :"Mudah2an wae atuh tujuan sampean bela ka Kurawa teh teu nguciwakeun; naon wae oge tetep urang kudu tuhu ka na Dharma."
Karana:"Leres pisan eyang, kuring bungah , bungangang sabab sampean teu ngahulag pamadegan kuring; kuring ayeuna rek ngadep ka Duryodhana; mangga pamit."
Bhisma:"Bral diduakeun pisan."
HANCA |
Postingan
Tidak ada komentar:
Posting Komentar