Perang poe kaopatna Bhisma dibantu Duryodhana sareng Drona nyusun pasukan perang anu tanggoh pisan, Pasukan Kavaleri, Pasukan Gajah, sareng artileri disagakeeun kanggo ngagempur pasukan Pandawa.
Arjuna ti pihak Pandawa waspada kana eta formasi pasukan Bhisma; enggal marentah nyusun pasukaan nu bakal ngalawan kana susunan pasukan Kurawa. Nyata Dananjaya jago perang pilih tanding; pasukan Kurawa nu sakitu angkerna teu aya daya ngalawan formasi nu disusun ku Arjuna.
Abimanyu ngamuk ka pasukan musuh; tos sabababaraha pahlawan anu binasa; salah sahijina Putra Chala; atuh Raja Chala kacida amarahna terus maju bade belapati; dibantuan ku Salya Aswatama jeung Raja Rudra; Abimanyu dikepung; Arjuna enggal miwarang MahaSenapati Draiaastadjumna nulungan Abimanyu; Srikandhi, Drestadjumna maju megatan nu ngarepung; ayeuana mah tibalik Salya nu dikepung ku Dristadjumna sareng Abimanyu. Chaala binasa ku panah Arjuna.
Bhiama nyandak GADA nu ageung pisan ( rujak Polo ); mani ngahiung diputer puterkeun;
Putra Dristarata maririrs ningal ketak Bhima kitu; Suyudhana marentah ka Durganda Durgandi sareng 6 raina nu sanes kango ngepung Bhima.
"Lakadalah, anak2 Dristharastra maraneh bakal jadi korban Gada Kula si Rujak POLO!
Bhima lungsur tina karetana muru ka dalapan para saderek Duryodhana, teras perang. Tapi teu lami kadalapan sadereek Suyudhana kalebet Durganda Durganti maloncrot polona digebug ngan sakilat sakilat ku gada Bhima.
Suyudhana enggal marentah ratusan gajah ngepung Bhima; tapi Bhima neraskeun pangamukna; dugi ka Gajah2 bubar katawuran. Amaarah sang Duryodhana teras mentangkeun gondewana ka Bhiama. Bhima enggal luncat deui ka na karetana teras males ka Suyudhana ku panah deui; rame dua pahlawan silih panah. Tapi Bhima kapanh ku SDuyudhona dugi ngagumbrag niban lemah, rada katuralengan. Kaleresan ingkang Putra gatotkacha sareng pasukanana ngaliwat ka eta tempat; atuh der maraju nulungan Bhima. Pasukan Astina ngalacir sieun pangamuk Gatortkacha saparakancana ti Pringgandhani. Ieu pasukan pringgandhani teh kacida dipikasieunna, lantaran nepi ka ayeuna can aya hiji ge nu tiwas; aya nu tatu sukuna lain lantaran perang, tapi rasa mokaha nalipak seuseukeut tumbah nu nancep na taneuh, maksudna rek diasingkirkeun; tapi malah nancep terus ka na bumi ari suku nu nalipak nepi ka bor2an getih.
Tah ku datangna Gatotkacha sareng Pasukan PGTna Suyudhana sareng Pahlawan2 Kurawa pada mundur. Bhisma kaget pisan enggal marentah pasukanana maju katempat eta, tapi dipegat ku Arjuna; der deui silih panah kawas kamari.
Resi Drona nyoba2 mawa pasukanana ngahalang majuna Gatotkaacha nu bade nangkep Suyudhana; tapi pasukan Drona paburantak; Drona enggal ngalepaskeun ratusan jamparing ngahalang majuna Gatotkacha sareng pasukan pringgandhanina. Gatotkacha rada mandeg oge. Drona boga kasempetan nyusun pasukan deui terus mundur lalaunan, lantaran moal tiasa ngalawan Pasukan pringgandhani nu sakitu rokahana.
Poe tos bade reup2an; enggal Bhisma marentah niup tarompet ngeureunan peperangan; mun diteruskeun tea mah; matak suksak sabab beuki poek, beuki hebat kakuatan Gatotkacha jeung pasukanana.
Poe eta Perang lekasan; pihak Pandawa unggul.
Teraskeuneun |
Postingan
Tidak ada komentar:
Posting Komentar