Peuting eta, sanggeusna Arjuna peunang perang ti Karna ( bari rada curang) ;Pandawa sareng Kresna ngahaja ngalongok ka tempat Bhisma nu keur nunggu waktu mustari pikeun perlaya;da Bhisma mah bisa nangtukeun iraha 2na maot teh.
Bhisma bingah manah ningal para Pandawa ngadep ka anjeunna; bari imut naroskeun kumaha kaayaan perang. Derekdek wae Darmakusmah nengkeun ramena peperangan; nepi ka carita Abimanyu. Bhisma naros:"Nyata si Jayadrata tah nu nyababkeun cilakana Abimanyu."
Yudhistira:"Leres pisan eyang; tapi tos kabales ku Arjuna !"
Teras deui Yudhistira nyarioskeun soal Gatotkacha;Bhisma motong deui:" Tah kumaha tah
Gatotkacha nu sakti teh ? Naha rame perang jeung Baghadatta ?"
Yudhistira:" Nyata Bhagadatta sakti Gatotkacha asor!"
Bhisma:"Mun peuting mah bakal sabalikna kajadianana !"
Yudhistira:"Tah nya eta eyang, Suyudhana ngumumkeun perang beurang peuting; terus ngabongohan ampir we Pandawa sadaya cilaka; untung datang Gatotkacha ! Pasukan Astina carem !" Tapi akhirna Gatotkacha lastari ku senjata sakti nu Karna."
Tah tadi mah tarung Ajuna sareng Karna !"
Bhisma semu kaget, terus naros mani ngadaregdeg :"Kumaha tah incu eyang Arjuna ? Teu naon2!?"
Yudhistira:"Teu naon2 malah tuh aya kapan sowan kadieu."
Bhisma:"Wah! kasieun eyang mah nya eta ku Karna ! Beu bahaya pisan ! Komo mun kusirna samodel Kresna mah."
Yudhistira:"Nya eta Karna teh dikusiran ku Salya,"
Bhisma katingal ngadaregdeg deui :"Aduuh bahaya pisan etah........!"
Arjuna enggal wae ka payun cong nyembah teras ngandika:"Duuuh eyang. eta mah keleresan we putu eyang tiasa kenging perang teh; da memang nyata Kana sakti; sanes bantrak2eun sambarang jalmi."
Bhisma:"Hahaha ! syukur putu eyang salamet syukur pisan ! Adduuh masih keneh lewang nepi ka ayeuna oge, kumaha carana merangan Karna !? Hahaha syukur sampeyan salamet ! Ayeuna putu eyang jung geura datangan tempatna Karna perlaya, pulasara sing bener kalawan kahormatan !"
Sajongjongan mah Yudhistira nghuleng melong ka Kresna; Kresna unggeuk bari mesm tanda yen parentah Bhisma kedah ditumut. Atuh enggalna sadaya Pandawa pamitan ka Bhisma bade mulasara mayit Karna.
HANCA |
Postingan
Tidak ada komentar:
Posting Komentar